ПВТ прапанаваў беларускім настаўнікам бясплатна вывучыць Scratch
Парк высокіх тэхналогій набірае слухачоў на бясплатны навучальны онлайн-курс «Scratch 3.0 для пачаткоўцаў», паведамляе прэс-служба ПВТ.
У першую чаргу дадзены курс будзе цікавы:
- настаўнікам пачатковай школы і настаўнікам-прадметнікам, якія ніколі не праграмавалі, і хочуць пазнаёміцца з новымі магчымасцямі выкарыстання ІТ на сваіх прадметах;
- настаўнікам, якія плануюць правядзенне факультатыўных заняткаў па Scratch ў новым 2019/2020 навучальным годзе.
Праграма курса складаецца з 12 заняткаў, падзеленых на пяць навучальных модуляў. Кожны модуль завяршаецца выкананнем тэсту для самакантролю. Слухачы змогуць самастойна асвоіць базавыя паняцці і атрымаць першасныя навыкі праграмавання ў асяроддзі Scratch. Па завяршэнні курса выпускнікі павінны будуць самастойна стварыць сваю першую камп'ютэрную гульню на Scratch.
Слухачы, якія паспяхова здалі тэсты і фінальнае творчае заданне, атрымаюць электронны сертыфікат. Для педагогаў, якія плануюць весці факультатыўныя заняткі і гурткі ва ўстановах адукацыі, будзе адкрыты доступ да вучэбна-метадычнай матэрыялах беларускай супольнасці Scratch.
Арыгінал артыкула па спасылцы
