Фестываль медыяадукацыі ў Мінску
19 мая 2019 года ў стартап-хабе “Імагуру” прайшоў Фестываль медыяадукацыі.
“Ідэя Фестывалю – сабраць разам беларускіх медыязорак. Вялікіх – якія ствараюць медыяпрастору Беларусі, і маленькіх – якія толькі асвойваюць азы медыяпісьменнасці і робяць свае першыя праекты, — кажа Тамара Мацкевіч, адна з арганізатараў імпрэзы. — Мы разлічваем, што ў працэсе ўзаемнага навучання, узаемнага натхнення з’явяцца новыя ідэі, і беларуская медыяпрастора будзе больш цікавай і бяспечнай”.
У праграме фестывалю :
1) Прэзентацыя медыяадукацыйных праектаў школьнікаў, дасланых на конкурс “Лаві фэйк!”
2) Сустрэча з ментарамі-медыяадукатарамі, экспертамі, медыяперсонамі.
3) Навучальная гульня, прысвечаная медыя і іх ролі ў адукацыі і грамадстве “На злом галавы”.
4) Прэзентацыя медыяадукацыйных рэсурсаў—2019.
5) Цырымонія ўзнагароджання пераможцаў конкурсу і ўручэнне сертыфікатаў педагогам.
6) Вольныя зносіны, планаванне новых праектаў у сяброўскай атмасферы.
На Фестываль запрошаны:
Вялікія медыязоркі (па сумяшчальніцтве - журы Фестывалю): Паўлюк Быкоўскі, Лявон Вольскі, Вінцук Вячорка, Марына Загорская, Мікалай Запрудскі, Валеры Мазынскі, Прэс-клуб Беларусь, Яўген Пугач, Таццяна&Сяргей Фадзіны
Малыя медыязоркі: школьнікі – аўтары медыяадукацыйных праектаў “Лаві фэйк!”
Фотаздымкі з фотаальбома Фествалю:https://photos.app.goo.gl/tJGVY4SUZn16M384A
